![\"A\u016dtonomaj](\"http:\/\/www.delbarrio.eu\/blogo\/AutonomajKomunumoj.png\")
<\/a>La debato pri tiu sistemo intensi\u011dis dum la lastaj monatoj, kun fortoj kiuj pu\u015das en direkton sendependisman en iuj partoj, kiuj sentas sin frustritaj en la nuna sistemo, kaj aliaj kiuj preferas plian centrigismon, interalie profitante la debaton pri duobla\u0135oj, nesubteneblaj en nuna kriza ekonomia situacio. En tiu \u0109i sistemo ekzistas dua parlamenta \u0108ambro, la Senato, kiu ta\u016dgus konstitucie por reprezenti la diversecon de la lando, sed kiu en la praktiko, pro malbona fasonado, pri kiu neniu kontentas, apena\u016d ta\u016dgas por produktiva laboro. En tiu kunteksto, oni decidis anta\u016dnelonge, post multaj jaroj, ke unuafoje la minoritataj lingvoj povos esti uzataj en la Senato, kun samtempa tradukado. Tio estis fortege kritikita, plejofte en konservativaj hispanparolantaj medioj, pro la kosto, kvankam foje tio aspektas \u0109efe preteksto por nedezirata uzo.<\/span><\/span><\/p>\n\u0108iuj hispaniaj lingvoj<\/a> estas latinidaj, krom unu tute speciala kaj anta\u016dhinde\u016dropa: la vaska. La kataluna lingvo estas sufi\u0109e disvastigata kaj ne bezonas multan prezentadon: mi nur atentigu por sekva komentado ke \u011di ne estas tute senpere komprenebla de hispanlingvanoj, kaj do \u011di estas plejofte subtekstigata kiam \u011di aperas en hispanlingva televido, sed ke \u011di ne estas tiel aparta ke oni ne povas \u011din kompreni post ioma alkutimi\u011dado. En diversaj nova\u0135oj aperis aludoj al la valencia lingvo, sed en la praktiko temas pri la sama lingvo, kun alia nomo aplikata al la varianto de la kataluna parolata en Valencilando; la elparolo estas iom pli facile komprenebla por hispanlingvanoj, sed ne estas grandaj diferencoj kun la kataluna. Fine, la galega estas varianto de la portugala, tre vaste parolata en la nordokcidento de Hispanio; oni \u011denerale konsideras \u011din kiel apartan lingvon, kaj havas apartan normon; \u011di estas tre facile komprenebla por hispanlingvanoj, kaj oni malofte subtekstigas a\u016d tradukas \u011din, kontraste al la norma portugala, kies kutima akcento estas malfacile kaptebla por hispanianoj sen anta\u016da trejni\u011do. Krome, en diversaj regionoj oni agnoskas diversgrade aliajn multe pli minoritatajn lingvojn: astura, aragona, okcitana (en valo de Arano) kaj aliaj. Kiel dirite, la vaska\/e\u016dska estas tute aparta lingvo, tre malfacile lernebla por alilingvuloj. La rolo de la arabaj kaj berberaj variantoj en la nordafrikaj urboj de Ce\u016dto kaj Melilo estas ankora\u016d pridisputata afero. <\/span><\/span><\/p>\n