EL LA KLASIKA HISPANA LITERATURO

Romanco de la prizonulo

Maje estis, estis maje,
kiam sentiĝas la varm',
kiam tritiko tigiĝas
kaj jam floras la kampar',
kiam kantas la alaŭdo
kaj respondas najtingal',
kiam la enamiĝintoj
okupiĝas pri la am',
sed ne mi trista loĝanta
prizonule en domaĝ',
ne sciante kiam noktas,
nek kiam venas la tag',
nur ĉe sunelir' min vekis
birdeto per sia kant',
mortigis ĝin sagpafisto,
punu Di' per maldonac'.