Esperanto en TEDxMadrid

Jam en aliaj okazoj mi komentis tie ĉi pri la konferencoj TED, tiu formato de publika parolado kiu lastatempe iom furoris, kaj en kies subtekstigado al Esperanto mi kelkfoje kunlaboris (nun malpli, pro aliloka okupiteco). La sukceso de la evento instigis la iniciatintojn vendi la formon al aliaj organizaĵoj, entreprenoj aŭ institucioj, kiuj mem povas munti similajn konferencojn, sub la nomo TEDx.

Ĝis nun neniam ekzistis tia TED- aŭ TEDx-prelego en Esperanto mem. Nur unufoje la lingvo kaj ĝia instruado estis pritraktita en iu TEDx, pri la projekto Ligvosaltilo.

Nun tamen alproksimiĝas vera ŝanco videbligi la lingvon: oni uzos Esperanton en la konferenco TEDxMadrid dum venonta semajnfino. La kulpulo estos David de Ugarte, teĥnologiulo kiu ĝis nun apenaŭ partoprenis la organizitan movadon, sed pri kies intereso al nia lingvo mi jam rakontis antaŭ pluraj jaroj, kiam li instigis la grupon de hispania ciberpunko. La tiama opo serioze pritraktis Esperanton, eĉ se nur nun profunde, post sia firmiĝo kiel la Indjana Kooperativa Grupo.

Pri la detaloj de ilia rilato al Esperanto, oni povas legi en la esperantaj retpaĝoj de la kooperativo. Kaj pri la fono kaj temo de la prelego en TED, permesu ke mi ne ripetu tion ĉi tie: mi ĉion detaligis en artikolo kaj intervjuo kiun mi mem pretigis por Libera Folio.

Etikedoj / Etiquetas / Tags » , , , «
Bookmark and Share

Aŭtoro / Autor:Tonyo
Dato / Fecha: 10 Septiembre 2012 18:46
Lingvo / Idioma / Language: en Esperanto
RSS: RSS 2.0
Komentoj fermitaj / Comentarios cerrados.

4 Komentoj / Comentarios

  1. 1

    Saluton,

    koran dankon pro la informo. Ŝajnas tre interese. Mi ja elektis malbone la semajnfinon por viziti Madridon, ĉar mi estas vizitonta dum la sekva. Tamen, mi kredas ke tiaj ĉi eventoj estas vidregistritaj ĉu ne?

    Aldone, mi ne konis pri David de Ugarte, kaj la ligiloj kiujn vi metis ŝajnas ankau tre interesaj. Mi bezonos tempon por legi ĉion.

    Ĵus hodiau mi pensis ke mi restis tro longa tempo (jaroj!) for de la esperantista mondo kaj ke mi devus reveni.

    Kaj interese mi trovis tre logantajn novajn retejojn.

  2. 2

    [...] de los que escuchasteis la charla y disteis al Esperanto una ovación tan emocionante. Gracias a Toño del Barrio y Manolo Pancorbo que nos ayudaron a pulir nuestro Esperanto y animaron al mundo esperantista desde [...]

  3. 3

    [...] kiuj vidis la prelegon, malavare diskonis ĝin kaj donis al Esperanto emociantan ovacion. Dankon al Tonjo del Barrio kaj Manolo Pancorbo kiuj helpis nin plibonigi nia stilo kaj lingvo, kaj kiuj prezentis la riskan [...]

  4. 4

    [...] generosity of those who listened to the talk and gave Esperanto such an exciting ovation. Thanks to Toño del Barrio and Manolo Pancorbo, who helped us polish our Esperanto and encouraged the Esperanto world from the [...]